الاثنين، 1 ديسمبر 2008

عزة ....؟؟؟؟

إن الحمد لله نحمده و نستعينه و نستغفره و نعوذ بالله من شرور أنفسنا و من سيئات أعمالنا من يهده الله فلا مضل له و من يضلل فلا هاد له ... ثم أما بعد

عزة .... يا ترى انتوا عارفين مين عزة ؟؟؟؟ عزة دى تبقى .. حبيبتى .. أمى .. أختى ...!!! عزة ... اسمها عزيز و هى نفسها عزيزة .. و مش هى بس فى غيرها كتير ..... بس تفتكروا لما عزة تبكى ... دمعتها غالية أوى أوى أوى








الصورة دى صورة عزة ... الصورة دى صورة عزة تحت الحصار ... صورة عزة لما أبوهم استشهد بسبب المرض و الحصار .... و الله دمعتك يا عزة أغلى من ماء الذهب و لن تكون هباء

الصورة دى كانت السنة اللى فاتت .... يا ترى فى كام عزة دلوقتى بتبكى ...






الصورة دى من كام شهر .... برضة عزة كانت تحت الحصار ... بس يا ترى هى دلوقتى عاملة ايه ؟؟ ياترى بتاكل عيش مخبوز من علف المواشى بدل القمح لإنتاج الدقيق .... يا ترى لو كانت تعبانة .. يا ترى لو عندها مرض محتاج علاج ... يا ترى حالتها النفسية عامله ازاى






دى برضة صورة عزة تحت الحصار ... اليومين دول .. لما الكهرباء اتقطعت .... تخيل دى أمى و اللى فوق أختى و اللى فى النص دول أهلى .... نفسى اعمل حاجة بس مش قادر ... و لكنى أقول كما قال النبى صلى الله عليه و سلم ... صبرا آل ياسر ... صبرا آل ياسر

عايز اقولهم أنا أسف ... أنا أسف لأنى أنا السبب .... هو مش برضة الابتلاء نتيجة للذنوب و المعاصى .... انا اسف لانى مش قادر أغير من نفسى .... انا اسف لان شهوة النساء .... مش قادر ... لان الاغانى برضة مش قادر .... لان السجاير انا اسف مش هاقدر ... مش قادر اكون كويس .. مش قادر اكون ملتزم ... مش قادر اقوول يارب حرر بلاد المسلميين ... مش قادر أقول يارب غزة و القدس و الأندلس ... يارب ... مش قادر اقرا القرآن ... مش قادر انا اسف

انا اسف مش قادر اغير من نفسى .... انا اسف مش قادر احقق رسالتى و هدفى ... مش قادر اغير الناس من حوليا ... مش قادرة اتحجب ... مش قادر مش قادر مش قادر ....

بس و الله بحبك يا عزة ... و الله دمعتك غالية عليا ... و مش هنساك أبدا (أَلا إِنَّ نَصْرَ اللّهِ قَرِيبٌ )


اللهم اغفر لى ... اللهم اغفر لى ...
.... اللهم استعملنا و لا تسبدلنا
اللهم اجعلنا هداة مهتدين لاضالين و لا مضلين
اللهم انصر الاسلام و أعز المسلمين ... اللهم انصر أخواننا المستضعفين و ثبتهم ..
أنت ولى ذلك و القادر عليه .. سبحانك لا إله إلا أنت إنى كنت من الظالمين

0 التعليقات:

إرسال تعليق

الاشتراك في: تعليقات الرسالة (Atom)